Для Цэнтральнай навуковай бібліятэкі імя Якуба Коласа НАН Беларусі кастрычнік гэтага года атрымаўся даволі насычаным на падзеі. Спярша 1 кастрычніка адбылася “ІІ Міжнародная навукова-практычная канферэнцыя “Крэўскія чытанні: гісторыя, археалогія, культурная спадчына Крэва” (другі дзень прайшоў у самім Крэва). А 2 кастрычніка там жа распачаўся не менш важны форум — “ХХХIV навукова-практычная канферэнцыя “Каласавіны” (другі дзень якога прайшоў у Дзяржаўным літаратурна-мемарыяльным музеі Якуба Коласа). Менавіта пра “Каласавіны”, арганізатарам якога, нароўні з музеям Якуба Коласа, з’яўляецца Міністэрства культуры, мы і пагаворым.

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “К”.

І апошнім з серыі нашых публікацый аб культурным асяроддзі невялікіх населеных пунктаў, у якіх кіраўнікі ўстаноў культуры не толькі прэзентавалі іх, а яшчэ і распавядалі пра тое, як змянілася праца ў сувязі з каранавірусам, стане матэрыял аб музеях, што таксама неяк прылаўчыліся да існуючых абставінаў.