Праграмы і аб’ёмы полацкіх фрэсак
На Беларусі шмат месцаў, дзе, без перабольшвання, ажывае даўніна. Але толькі тут — на скрыжаванні цывілізацый і гістарычных эпох — так абвострана адчуваецца повязь стагоддзяў, духоўнае адзінства чалавека і сусвету. Ды і як можа быць іначай, калі месца для ўзвядзення Спаса-Праабражэнскай царквы было вызначана святой Еўфрасінні Полацкай, паводле жыція, праз Анёла Божага? Сёння гэты храм, як вядома, з’яўляецца помнікам як архітэктуры, так і мастацтва, бо поруч са старадаўнімі мурамі надзвычайную каштоўнасць для сусветнай культуры ўяўляюць унікальныя фрэскі, што ўжо цягам амаль 850 гадоў захоўваюць духоўныя сімвалы, закладзеныя вялікай асветніцай беларускай зямлі. Не выпадкова чарговым прэтэндэнтам ад нашай краіны на ўключэнне ў Спіс сусветнай спадчыны UNESCO з’яўляецца, у тым ліку, і Спаса-Праабражэнская царква.
Далей