"Хто хоць жменяй зямлю носiць, той уздзвiгне гару". Гэтыя словы Напалеона Орды найлепшым чынам падыходзяць да самога працэсу аднаўлення родавага маёнтка мастака і кампазітара ў Чырвоным Двары. Увесь праект каштуе 9 мільярдаў рублёў. На сёння выдаткі склалі больш як 2 мільярды, а ў 2014-м атрыманы яшчэ адзін мільярд рублёў. Будзем спадзявацца, што для таго, каб "уздзвiгнуць гару", гэта значыць — пабудаваць сядзібу "пад ключ", фінансаванне будзе планамерным і своечасовым...
Так сёння выглядае будынак сядзібы Ордаў, што ўзнаўляецца.
На месцы сядзібы Дастаеўскіх.
Міністр культуры Барыс Святлоў са старшынёй райвыканкама Юрыем Бісуном (другі справа) і начальнікам райаддзела ідэалагічнай работы, культуры і па справах моладзі Канстанцінам Ваўруком у мясцовай Школе бондарства.
Адбылася рабочая паездка міністра культуры нашай краіны Барыса Святлова ў Іванаўскі раён. Праграма ўключала наведванні бібліятэк, дамоў культуры, музеяў, Карціннай галерэі Напалеона Орды, а таксама вёскі Моталь, знакамітай сваімі майстрамі, музеямі ды кулінарнымі прысмакамі. А ў Раённай бібліятэцы імя Ф.Панфёрава прайшла сустрэча з работнікамі культуры раёна.
Сустрэча ў Карціннай галерэі Напалеона Орды.
У Раённай бібліятэцы імя Ф.Панфёрава.
У Моладаўскім СДК.