Але, калі быць больш дакладным, гэта апісанне той установы культуры, якая імкнецца прывабіць да сябе не толькі звыклыя катэгорыі наведвальнікаў, але і моладзь, якая цікавіцца элітарнай айчыннай і замежнай культурай і мастацтвам, модай, альтэрнатыўнай музыкай, артхаўсным кіно. Моладзь, якая па розных прычынах забыла дарогу ў бібліятэку. Што і казаць, нават час працы новых бібліятэк (з 10-й да 22-й гадзіны) падладжаны пад патэнцыйных наведвальнікаў. І самае галоўнае — атмасфера. Як апісаў адзін з наведвальнікаў: “Уваход вольны. Заходзь і працуй — ніхто слова не скажа. Няма ні аховы, ні гардэробшчыка, ніхто ні аб чым не пытаецца. Заходзіш, як у кафэ. Усё адкрыта і па-сяброўску”.
Фота Ільі ВАРЛАМАВА, http://zyalt.livejournal.com/943472.html