У.Грыдзюшка зазначыў, што ўстановы культуры Беларусі, арганічна сумяшчаючы пытанні і творчыя, і вытворчыя, займаюцца не толькі прафесійнай дзейнасцю, але і ствараюць механізм эканамічнага функцыянавання, якое наўпрост звязана з ашчадным выкарыстаннем энергарэсурсаў. У адпаведнасці з комплекснай праграмай, распрацаванай міністэрствам, у мінулым годзе за кошт энергазберагаючых мерапрыемстваў толькі па арганізацыях рэспубліканскай формы ўласнасці зэканомлена каля 250 мільёнаў рублёў, па арганізацыях камунальнай формы ўласнасці зэканомлена 9,5 тысячы тон умоўнага паліва. Эканамічны эфект — больш за 2 мільярды рублёў. Гадавыя мэтавыя паказчыкі энергазберажэння па ўстановах культуры рэспублікі ў цэлым перавыкананы.
А.Гарбар, У.Пракапцоў, Э.Герасімовіч падзяліліся досведам па выкананні Дырэктывы № 3 у падпарадкаваных установах. Да прыкладу, перарасход паліва няўхільна цягне за сабой зніжэнне прэміяльных выплат. А агульная выснова такая: у якасна адрамантаванай і мадэрнізаванай установе культуры — і расходаў меней, і ўмовы для творчасці — самыя камфортныя. Значыць, і рэалізацыя платных паслуг прыносіць стабільны плён. Таму і натуральна, што Міністэрства культуры лічыць гэты кірунак працы адным з першарадных у штодзённай дзейнасці...
Больш падрабязна аб надзённых пытаннях эканоміі і беражлівасці, аб якіх ішла гаворка на прэс-канферэнцыі, — у наступным нумары “К”.
Андрэй СТАРЖЫНСКІ
На здымку (злева направа):
дырэктар Нацыянальнага акадэмічнага драматычнага тэатра імя Максіма Горкага Э.Герасімовіч, намеснік міністра культуры РБ У.Грыдзюшка, генеральны дырэктар Беларускай дзяржаўнай філармоніі А.Гарбар у час прэс-канферэнцыі.
Фота аўтара