Увекавечыць летапіс

Увага! Конкурс! Міністэрства культуры абвясціла конкурс на стварэнне эскізных праектаў манументальна-скульптурнай кампазіцыі, прысвечанай Баркулабаўскаму летапісу ў Быхаве Магілёўскай вобласці. Ініцыятыва прымеркавана да Дня беларускага пісьменства, святкаванне якога пройдзе 1 верасня ў Быхаве. Прыняць удзел у конкурсе могуць толькі скульптары і архітэктары з адпаведнай прафесійнай адукацыяй. Заяву на ўдзел і эскіз неабходна прадставіць не пазней за 3 мая ў галерэю Беларускай дзяржаўнай акадэміі мастацтваў.