У спіс гэтых аб’ектаў, па словах першага намесніка начальніка ўпраўлення культуры Гомельскага аблвыканкама Вольгі Антоненка, увайшлі краязнаўчы музей, Гарадскі дом культуры, Дзіцячая школа мастацтваў № 1, цэнтральная і дзіцячая бібліятэкі, заапарк, кінатэатр "Радзіма".
Цягам года актыўныя работы будуць весціся і па рэканструкцыі палацавага комплексу ў Чырвоным Беразе. Гэты помнік архітэктуры хоць і не ўваходзіць у пералік "дажынкавых" аб’ектаў прыцягнення фінансавых сродкаў, але для раёна ды вобласці з’яўляецца брэндавым.
Словам, аднаўленне палаца сёлета прадоўжыцца, як і раней, на парытэтных пачатках: работы фінансуюцца і з абласнога, і з рэспубліканскага бюджэтаў. Інакш кажучы, у аднаўленні чырвонабярэжскага аб’екта будзе зроблены чарговы ўнушальны крок. У гэтым госці фестывалю-кірмашу могуць пераканацца ўжо ўвосень.