15 снежня ў Дубровенскім раёне Віцебскай вобласці, у рамках інавацыйнага праекта, у Якубоўскім культурна-спартыўным цэнтры адбудзецца Раённы фестываль нацыянальных культур “”Садружнасць”.
Як распавялі “К” у мясцовым аддзеле культуры, у фэсце прымуць удзел прадстаўнікі васьмі нацыянальнасцей, якія пражываюць на тэрыторыі раёна. А гэта, акрамя беларусаў, рускіх, украінцаў ды палякаў, яшчэ і армяне, азербайджанцы, татары ды прадстаўнікі некаторых іншых нацыянальнасцей.
У праграме раённага мерапрыемства — выстаўкі народнай творчасці, нацыянальных касцюмаў і лялек, фотаэкспазіцыя, а таксама выстаўка-дэгустацыя кулінарных страў тых народнасцей, што пражываюць у Дубровенскім раёне.
Завершыцца мерапрыемства гала-канцэртам, у якім прымуць удзел нацыянальныя і фальклорныя калектывы раёна, а таксама асобныя самадзейныя артысты.
Ю.Ч.