“Крэсла”. |
Мастакі звяртаюцца да розных тэм: ад ваенных і гістарычных да сацыяльных і культурна-відовішчных.Асваенне плакатнай спецыфікі, усведамленне яе функцыянальнай прыроды дазволілі аўтарам выпрацаваць уласны арыгінальны плакатны стыль, які адрозніваецца вострай пластычнай выразнасцю, фантазіяй, вялікім пачуццём гумару (“Чаравічак (Вясна)”, “Костка”, “Ваенны аркестр”).
Для тэатральных плакатаў характэрны нечаканасць рашэнняў, інтрыга, што выклікае ў гледача жаданне “ў натуры” паглядзець пастаноўку (“Вайна і мір”, “Лебядзінае возера”).
Іх творы розныя па эмацыйных адценнях: сатырычныя, лірычныя, драматычныя. Кола інтарэсаў Цеслера і Войчанкі даволі шырокае. Ім удалося знайсці абсалютна новыя аспекты і сэнсавыя варыянты штодзённых побытавых рэчаў, да якіх мы даўно прывыклі: відэлец, крэсла, футарал, бутэрброд… У некаторых плакатах асноўную эмацыйную нагрузку нясе пейзажны вобраз (“Дрэва”).
Экспазіцыя дае ўяўленне пра сучаснае беларускае плакатнае мастацтва як мастацтва дынамічнае, якое ніколі не стаіць на месцы.
Марына САЛАЎЁВА,
навуковы супрацоўнік НММ РБ