У прыватнасці, на конкурс пададзена 61 заяўка, з якіх у выніку адбору да ўдзелу дапушчаны амаль 60 кінапраектаў ад 15 дзяржаўных і прыватных арганізацый кінематаграфіі краіны. Сярод прэтэндэнтаў на перамогу - 23 ігравыя, 10 анімацыйных і 27 неігравых кінапраектаў. У конкурсе ўдзельнічаюць і сумесныя праекты, у тым ліку - кінастудыі "Беларусьфільм" і нацыянальных тэлеканалаў. З прапановай вытворчасці ігравога фільма выступіў таксама і "Белвідэацэнтр". На ганаровае званне нацыянальнага прэтэндуюць 6 кінапраектаў, яшчэ столькі ж - на дэбют.
Трэба адзначыць, што пры правядзенні конкурсу працуе кампетэнтная камісія, якая вызначае пераможцаў. У яе склад уваходзяць прадзюсары, сцэнарысты, рэжысёры, акцёры, рэдактары, кіназнаўцы і мастацтвазнаўцы, прадстаўнікі тэлеканалаў і кінавідэапракату, дзяржаўных і прыватных вытворцаў кінапрадукцыі, грамадскіх арганізацый, прадстаўнікі міністэрстваў культуры, інфармацыі і фінансаў.
Сярод найбольш важных крытэрыяў ацэнкі фільмаў будзе ўлічвацца выкарыстанне арыгінальных творчых ідэй і задумак, мастацкая якасць літаратурнага сцэнарыя, а таксама сацыяльная значнасць кінапраекта ды стварэнне прывабнага іміджа Беларусі. Акрамя таго, камісіяй разглядаюцца і мяркуемыя мерапрыемствы па прасоўванні кінастужкі, у тым ліку за межамі Беларусі.
Да слова, вынікі конкурсу будуць абвешчаны вельмі хутка!
Ул. інф.