Пленэр набірае моц…
№ 43 (809) 27.10.2007 - 02.11.2007 г
Традыцыйны ХІІ Міжнародны пленэр па жывапісе “Вобраз Радзімы ў выяўленчым мастацтве”, прысвечаны 135-годдзю з дня нараджэння народнага мастака РСФСР і БССР В.К. Бялыніцкага-Бірулі, з 4 верасня па 4 кастрычніка 2007 года праходзіў на жывапісных прасторах Магілёўскай вобласці і на “Акадэмічнай дачы імя І.Я. Рэпіна” ў Цвярской вобласці. На пасяджэнні аргкамітэта было прынята рашэнне пашырыць геаграфічнае кола ўдзельнікаў пленэру, таму ў гэтым годзе ўпершыню працавалі прадстаўнікі з Балгарыі, Польшчы, Аўстрыі, Германіі, Арменіі, Ізраіля.
| Л.Гоманаў. “Цёплы вечар” (Беларусь). | Спачатку ўдзельнікі пленэру працавалі на “Акадэмічнай дачы імя І.Я. Рэпіна”. Наогул для жывапісцаў знаходжанне на гэтай дачы стала добрай жыццёвай і прафесійнай школай. Мастакоў — удзельнікаў пленэру прывабліваюць не толькі сам ландшафт, але і творчая атмасфера, багацце традыцый... Сустрэў іх народны мастак Расіі, акадэмік, старшыня Саюза мастакоў Расіі, лаўрэат прэміі Саюзнай дзяржавы ў галіне літаратуры і мастацтва Валянцін Сідараў, наш даўні сябра. Адбываліся шматлікія творчыя сустрэчы з вядомымі мастакамі Расіі, наведвалі майстэрні знакамітых расійскіх творцаў, стварылі шэраг вельмі ўдалых жывапісных і акварэльных кампазіцый. Творчая група наведала таксама былую дачу В.Бялыніцкага-Бірулі “Чайка”, пахадзілі па гэтай зямлі, падыхалі паветрам Удомлі. Потым, з 20 верасня па 2 кастрычніка, мастакі плённа працавалі на Магілёўшчыне, у жывапісных мясцінах каля Крынкі.26 верасня адбылася сустрэча ўдзельнікаў пленэру з міністрам культуры РБ Уладзімірам Матвейчуком. Спецыяльна для гэтай сустрэчы мастакі зрабілі невялікую экспазіцыю, на якой паказалі свае творы, напісаныя за гэты перыяд. Міністр правёў цікавую гутарку з мастакамі, уважліва выслухаў іх меркаванні наконт пленэру, пажадаў жывапісцам плённай працы, творчага натхнення і цікавай выніковай выстаўкі. Такая выстаўка адбылася 3 кастрычніка ў залах Магілёўскага абласнога мастацкага музея | П.Петкаў. “Вёска” (Балгарыя). | імя П.В.Масленікава. Было прадстаўлена 87 твораў жывапісу і акварэльных аркушаў. Грамадскае журы адзначыла творы расіяніна В.Арлова ў намінацыі “Пейзаж настрою”, у намінацыі “Адзінства чалавека і прыроды”адзначаны творы П.Петкава з Балгарыі, у намінацыі “За наватарства ў адлюстраванні настрою, пошук новых вобразна-пластычных форм пейзажа” — пейзажы В.Ціханава, у намінацыі “Лірызм успрыняцця прыроды” — работы М.Мішчанкі і Л.Гоманава, у намінацыі “Пейзаж настрою”— карціны У.Масленікава. Шырыня творчага дыяпазону мастакоў, творы якіх прадстаўлены ў экспазіцыі, дазваляе шматлікім аматарам выяўленчага мастацтва і мастацтвазнаўцам упэўніцца ў высокім прафесійным майстэрстве ўдзельнікаў пленэру, у іх імкненні стварыць жыццесцвярджальныя натхнёныя творы аб чалавеку, аб сучаснасці, аб Радзіме. Выстаўка будзе працаваць да 15 лістапада 2007 г. Святлана СТРОГІНА, намеснік дырэктара па навуковайпрацы Магілёўскага абласногамастацкага музея імя П.Масленікава
|