У праграме вечара — прэм’ера фільма “Маналог. Леанід Левін”. Гледачам будзе прадстаўлена і фотавыстаўка манументальных аб’ектаў, спраектаваных Леанідам Левіным.
Яго манументальныя работы, створаныя цягам паўстагоддзя ў сааўтарстве з калегамі, увайшлі ў гісторыю нацыянальнай культуры. Хто не ведае архітэктурна-скульптурныя мемарыялы “Хатынь”, “Прарыў” ва Ушачах, “Праклён фашызму” ў вёсцы Шунеўка, “Чырвоны Бераг” на Гомельшчыне, “Яма” ў Мінску, помнікаў Янку Купалу і Якубу Коласу ў сталіцы, Канстанціну Заслонаву ў Оршы, Мікалаю Гастэлу і яго экіпажу пад Радашковічамі і яшчэ дзясяткі твораў, якія паўсталі ў Беларусі, Расіі, ва Узбекістане. І гэта не лічачы ўдзелу Левіна як архітэктара ў распрацоўцы праекта дэтальнай планіроўкі і забудовы цэнтра Мінска.