У горадзе над Бугам магіляўчане пакажуць, у прыватнасці, шэскспіраўскі “Сон у летнюю ноч”, а таксама п’есу “Кавалер руж” і сваю сёлетнюю прэм’еру — камедыю “Мужчына да свята”.
— Новыя гледачы ацэньваюць спектакль па-новаму, — зазначыў дырэктар Магілёўскага абласнога драмтэатра Аляксандр Новікаў. — А ў Брэсце мы не былі ўжо гадоў трыццаць, таму вельмі хочацца ўзнавіць кантакты з калегамі…
Брэстчане прывязуць, сярод іншага, камедыі “Прымакі”, “Баварскія дзівацтвы”, “Маладажоны”. Генеральны дырэктар — мастацкі кіраўнік Брэсцкага акадэмічнага тэатра драмы і музыкі Аляксандр Козак высока ацэньвае важнасць абменных канцэртаў і спадзяецца, што падобная форма супрацоўніцтва будзе працягвацца і надалей. Тым больш, абменныя канцэрты запланаваны сёлета не толькі ў Магілёве, але і ў Віцебску. А ў маі брэсцкія артысты прадставяць свае пастаноўкі на сцэнічных пляцоўках Бранска, Мукачава ды Чаркасаў.