У рамках рэтраспектывы будуць паказаны знакавыя для японскага кіно работы Ясудза Масумуры "Загнаны воўк" (1960 г.), Ёсіміцу Марыты "Сямейныя гульні" (1983 г.) і Такесі Кітана "Санаціна" (1993 г.). Больш позні перыяд будзе прадстаўлены сямейнай драмай Ёіці Хігасі "Мой грандпа" (2003 г.) і фільмам-эксперыментам Ёсіхару Нісігакі "Лес - мая школа" (2002 г.). Усе стужкі будуць дэманстравацца на мове арыгінала з субцітрамі.
Старт японскай праграмы ў "Ракеце" адкрывае новую старонку дзейнасці добра вядомага жыхарам сталіцы праекта "Cinemascope", які раней праводзіў свае рэтра-паказы ў кінатэатры "Перамога" і "Цэнтры-відэа". Дарэчы, частка відэаабсталявання апошняга, што быў закрыты напрыканцы года, таксама перавезена ў "Ракету" і будзе выкарыстоўвацца для рэтра-паказаў з лічбавых дыскаў у адрамантаванай зале.
Нагадаем, што кінатэатр "Ракета" цягам ужо сямі гадоў з'яўляецца базай для аднаго з самых вядомых сталічных кінаклубаў "Феномены кіно".
На здымку: кадр з фільма "Санаціна".