Экспазіцыя знаёміць з творамі маладых айчынных мастакоў з калекцыі музея, а таксама з новымі работамі выпускнікоў Беларускай дзяржаўнай акадэміі мастацтваў ды іншых профільных устаноў краіны. Жывапіс, графіка, скульптура, дэкаратыўна-прыкладное мастацтва, відэаарт адлюстроўваюць разнастайнасць мастацкіх пошукаў маладых аўтараў. Сярод удзельнікаў выстаўкі - стыпендыяты спецыяльнага фонду Прэзідэнта Рэспублікі Беларусь па падтрымцы таленавітай моладзі і Міністэрства культуры краіны, пераможцы рэспубліканскіх і міжнародных конкурсаў.
Галоўным прынцыпам пабудовы экспазіцыі быў абраны не энцыклапедычны агляд усіх існуючых тэндэнцый і накірункаў, а структурызацыя новага культурнага поля, спрыяльнага для самаідэнтыфікацыі беларускага мастацтва.