Арганізатарамі яе, нагадаем, з'яўляюцца Міністэрства культуры Беларусі і ЗАТ "Сталічнае тэлебачанне" пры арганізацыйнай падтрымцы Маладзёжнага тэатра эстрады.
Як паведаміла карэспандэнту "К" начальнік канцэртнага аддзела Маладзёжнага тэатра эстрады Ірына Пазнякова, на сённяшні дзень ужо даслана некалькі дзясяткаў заявак: "У многіх дакументах кандыдатуры пададзены адразу на некалькі намінацый".
Да гэтага часу актыўна прыходзяць заяўкі са сталіцы. На жаль, пакуль амаль зусім не задзейнічаны іншыя гарады рэспублікі. "Арганізатары паабяцалі ў кастрычніку пашырыць рэкламную кампанію, таму разлічваем на актывізацыю рэгіёнаў", - патлумачыла Ірына Пазнякова.
Днямі аргкамітэтам будуць зацверджаны лагатып і выява галоўнага прыза. Зараз на абмеркаванне арганізатарам прадстаўлена некалькі варыянтаў сімвалаў конкурсу аўтарства скульптара Андрэя Хацяноўскага.