У Гродзенскай выставачнай зале адкрылася выстаўка творчых работ выпускнікоў кафедры розных гадоў. Дваццаць аўтараў, якія працуюць у разнастайных жанрах, прадставілі свае жывапіс, графіку, каванне, кераміку, ДПМ. На ўрачыстае адкрыццё экспазіцыі павіншаваць студэнтаў і выкладчыкаў прыйшлі прадстаўнікі Гродзенскага гарвыканкама, члены абласной арганізацыі Беларускага саюза мастакоў.
Да таго ж, у будынку кафедры выяўленчага мастацтва і галерэі "UNIVERSUM" прайшло шмат цікавых вернісажаў: выстаўка па выніках Міжнароднага мастацкага пленэру "Гродна-2011", экспазіцыя работ выкладчыкаў, а таксама персанальная выстаўка графікі "Вернасць чорнаму" польскага мастака Мацея Гузнічка, доктара Пазнанскага ўніверсітэта імя Адама Міцкевіча.
Дар'я ЧАРКЕС
Гродна