У рамках гала-канцэрта ад імя беларускай супольнасці выступіў танцавальны ансамбль "Вясёлка", які выканаў традыцыйныя народныя танцы. Як адзначылі ў прэс-службе Пасольства, у межах свята была арганізавана выстаўка беларускіх народных рамёстваў і кніг пра нашу краіну. Апрача таго, гасцям беларускага павільёна прапаноўвалася прадэгуставаць стравы нацыянальнай кухні.
Да таго ж, не так даўно ў горадзе Берыса, што ў правінцыі БуэнасАйрэса, клуб беларускіх эмігрантаў "Усход" адзначыў 70-годдзе з дня заснавання. З гэтай нагоды прайшлі ўрачыстыя мерапрыемствы. У прыватнасці, у ходзе канцэртнай праграмы танцавальны ансамбль "Чайка" прадэманстраваў беларускія народныя танцы. Акрамя таго, у межах свята адбыўся паказ дакументальнага фільма, прысвечанага гісторыі і сучаснасці нашай краіны. Ад імя Пасольства Беларусі ў Аргенціне, прадстаўнікі якога таксама прымалі ўдзел у святочных мерапрыемствах, клубу "Усход" быў перададзены ў падарунак беларускі нацыянальны касцюм.