У прыватнасці, тры прэміі прысуджаны ў галіне навукі і тэхнікі і дзве прэміі ў галіне літаратуры, мастацтва і архітэктуры.
Адна з апошніх прысуджана творчаму калектыву ў складзе Леаніда Левіна, Аляксандра Фінскага і Святланы Катковай за мемарыял "Дзецям - ахвярам Вялікай Айчыннай вайны" ў г.п. Чырвоны Бераг Жлобінскага раёна Гомельскай вобласці, створаны на месцы нямецка-фашысцкага лагера, у якім у дзяцей бралі донарскую кроў для лячэння нямецкіх салдат. Мемарыял у Чырвоным Берагу адыгрывае важную выхаваўчую і эстэтычную ролю, атрымаў высокую ацэнку беларускіх і замежных спецыялістаў, а таксама шматлікіх наведвальнікаў.
Акрамя таго, прэмія ў галіне літаратуры, мастацтва і архітэктуры прысуджана Паўлу Татарнікаву за серыю графічных твораў "Брама мінуўшчыны". Творчасць мастака атрымала сусветнае прызнанне, аўтар з'яўляецца адзіным у краіне ўладальнікам вышэйшай узнагароды Браціслаўскага біенале кніжнага мастацтва - прэміі "Залаты яблык". Серыя "Брама мінуўшчыны" прысвечана гісторыі Беларусі, выдатным землякам і помнікам нацыянальнай культуры.