Пра гэта паведамілі ў Міністэрстве культуры Рэспублікі Беларусь.
Гэтыя два праекты ды некаторыя іншыя будуць ажыццяўляцца ў адпаведнасці з Нацыянальнай праграмай паскоранага развіцця паслуг у сферы інфармацыйна-камунікацыйных тэхналогій на 2011 - 2015 гады. У гэты ж тэрмін плануецца завяршыць стварэнне лакальных электронных музейных каталогаў, што будуць змяшчаць усе прадметы асноўнага Музейнага фонду. Дарэчы, у Дзяржаўным каталогу Музейнага фонду Рэспублікі Беларусь цяпер зарэгістравана больш за чатыры тысячы асабліва каштоўных прадметаў.
Паводле інфармацыі Мінкультуры, да канца наступнага года ўсе музейныя ўстановы галіны павінны займець афіцыйныя сайты і ўкараніць праграмныя пакеты па аўтаматызацыі ўлікова-фондавай дзейнасці. Пакуль гэтая дзейнасць аўтаматызавана толькі ў 125 са 153 існуючых у рэспубліцы "скарбніц".
У адпаведнасці з Дзяржаўнай праграмай "Культура Беларусі" на 2011 - 2015 гады прадугледжваецца, што ўсе бібліятэкі і музеі краіны будуць падключаны да Інтэрнэта, забяспечаны неабходнымі тэхнічнымі і праграмнымі сродкамі.