Кожная лялька Таццяны Пачывалавай, якая скончыла факультэт мастацтваў Гродзенскага дзяржаўнага ўніверсітэта імя Янкі Купалы, зроблена па аўтарскай тэхналогіі ў адным экзэмпляры. Майстар прызналася, што для вырабу адной лялькі патрэбен месяц. Многія з арт-аб'ектаў Пачывалавай маюць філасофскія назвы, нейкім чынам звязаныя з прыродай: "Яблык спакусы", "Месца пад сонцам", "Вецер пад грушкаю люльку пагушквае", "Зялёныя дзверцы", "Сеня Ясень". Да таго ж, пад час прэзентацыі выстаўкі галерэя была ўпрыгожана пладамі дрэў яблыні, вішні, шышкамі- безумоўна, дадзеныя атрыбуты падтрымалі тэматыку мерапрыемства.
На фотаработах Валерыя Руселіка адлюстравана прырода: у кадр аўтара трапілі дрэвы - абпаленыя лясным вогнішчам ці спілаваныя, у промнях сонца, адзінокія ў полі, пакрытыя шэранню, у золаце восеньскага лісця... Так ствараецца ўражанне, што дрэва і чалавек - гэта не проста прыгожая алегорыя, а нешта крышку большае.
Дар'я ЧАРКЕС
Гродна