У спіс аўтараў экспазіцыі ўваходзяць Міхаіл Баразна, Валянціна Сідарава, Кацярына Кенігсберг, Юрый Пеўнеў, Аляксандр Вафік, Паліна Ляжанская. У іх работах бачны ўплыў графікі і жывапісу, для стварэння ж нечаканага эфекту творцы выкарыстоўваюць камп'ютарныя сродкі апрацоўкі фота.
"Адлюстраванне" пабачылі летась жыхары Кіева пад час Дзён культуры Рэспублікі Беларусь ва Украіне. Пасля выстаўка дэманстравалася ў Магілёўскім абласным мастацкім музеі імя П.Масленікава. У сталіцы ж яе можна будзе наведаць да канца ліпеня.