Згаданаму музею не прызвычайвацца да фальклорных фестываляў і карпаратыўных адпачынкаў з запрашэннем музыкантаў. Дык чаму б не сумясціць некалькі праектаў у адзін?
Арганізатарамі выступаюць Міністэрства культуры Беларусі, Мінгарвыканкам, Мінаблвыканкам. А неабходная папярэдняя падрыхтоўка ўжо зроблена: будуць і сцэна з навесам, і глядацкія крэслы, і месцы для паркоўкі, і дадатковыя рэйсавыя аўтобусы, і асвятленне, і выязны гандаль. А вось тэлетрансляцыя, накшталт "Вечароў у Мірскім замку", не прадугледжана. Таму адбудзецца абсалютны эксклюзіў! Прычым - у двух аддзяленнях.
Першую частку складуць папулярныя оперныя арыі, другую - фрагменты з аперэт. Акрамя знаных салістаў, мы ўбачым і сапраўдны парад дырыжораў нашага Музычнага тэатра, бо ўсе выступленні пройдуць, зразумела, жыўцом і ў суправаджэнні сімфанічнага аркестра.