Дырэктар і харэограф-пастаноўшчык Тэатра танца Алеся Максіменкава адзначае:
- Найперш мы скіраваны на якасць танца, імкнёмся даць усім сваім выхаванцам - і падрыхтаваным, і звычайным аматарам - прафесійную адукацыю. Нашы педагогі - гэта трынаццаць чалавек - маюць выдатны досвед. А хутка харэографы дзіцячай школы Мікалай і Юлія Міхайлавы паедуць у Францыю - вывучаць асаблівасці "джаз-мадэрна", складанага накірунку танца, які ў нас пакуль не выкладаюць...
Па словах суразмоўцы "К", у тэатры існуюць канцэртныя калектывы, што ўдзельнічаюць у беларускіх і замежных фестывалях ды спаборніцтвах, дзіцячая школа і хобі-клас для ўсіх ахвотных.
Колькасць усіх удзельнікаў "Менады" дасягае 300 чалавек. Тут і трохгадовыя артысты, і людзі сярэдняга ўзросту, якія прыходзяць на заняткі пасля працы. Пра сур'ёзнасць падрыхтоўкі выхаванцаў тэатра сведчыць тое, што летась ён заняў ІІ месца на Чэмпіянаце свету па джазе ў Маскве і ІІ месца ў Рэспубліканскім аглядзе-конкурсе дзіцячай творчасці "Добры дзень, Свет!".