Мяркуецца, што ўрачыстае адкрыццё мерапрыемстваў пройдзе ў Нацыянальным акадэмічным Вялікім тэатры оперы і балета Рэспублікі Беларусь. Нашы славянскія рэспублікі лучыць доўгае творчае сяброўства. Няма сумневу, што чаканыя вясновыя стасункі будуць, як і раней, цёплыя і плённыя.
Украінскую дэлегацыю ўзначаліць міністр культуры і турызму краіны-суседкі Міхаіл Кулыняк. Перад беларусамі выступіць Нацыянальны заслужаны акадэмічны ансамбль танца Украіны імя Паўла Вірскага. Апрача гэтага, запланаваны тэатральнае прадстаўленне, фотавыстаўка, кінапраграма. Выступленні сяброў-суседзяў пройдуць не толькі ў Мінску, але і ў Гомелі, Маладзечне.
Тым часам 9 сакавіка ў Львове адкрылася Нацыянальная выстаўка Беларусі ва Украіне. Звыш за сотню нашых прадпрыемстваў прэзентуюць суседзям сваю прадукцыю, у тым ліку - тавары беларускіх мастацкіх промыслаў.
На здымку: Нацыянальны заслужаны акадэмічны ансамбль танца Украіны імя Паўла Вірскага.