Дэманстрацыя праекта адбылася на пасяджэнні Камісіі пры Савеце Міністраў Рэспублікі Беларусь па выяўленні, вяртанні, сумесным выкарыстанні і ўвядзенні ў навуковы і культурны абарот нацыянальных культурных каштоўнасцей, якія знаходзяцца за межамі Беларусі. Пасяджэнне прайшло 9 сакавіка пад старшынствам намесніка міністра культуры Віктара Кураша і намесніка міністра замежных спраў Сяргея Алейніка. У выніку было прынята рашэнне аб стварэнні канцэпцыі віртуальнай рэканструкцыі музея. Мэтай гэтага праекта стане выхаванне нацыянальнай самасвядомасці і фарміраванне беларускай прысутнасці ў інтэрнэт-прасторы праз ідэнтыфікацыю нацыянальных здабыткаў.
Да таго ж, на пасяджэнні падведзены вынікі рэалізацыі праграмы працы Рэспубліканскай экспертнай камісіі па размеркаванні каштоўнасцей, затрыманых Дзяржаўнай мытняй, і разгледжаны прапановы па аптымізацыі ў механізме размеркавання культурных каштоўнасцей.
Сярод найбольш актуальных пытанняў, якія абмяркоўваліся, - і разгляд перспектывы стварэння канцэпцыі аўтаматызаванай базы даных нацыянальных культурных каштоўнасцей, што знаходзяцца за межамі Беларусі.
Ул. інф.