"Мы ехалі на 61 Берлінскі міжнародны кінафестываль "Берлінале" з мэтай паглядзець на яго арганізацыю, прэзентаваць наш форум, пазнаёміцца з тымі, хто прывёз новыя фільмы, і вынікі нашай паездкі - станоўчыя, - зазначае Анжэла Крашэўская, якая днямі вярнулася з Германіі.- Мы мелі магчымасць прадставіць "Лістапад" арганізатарам, рэжысёрам, кінакампаніям, і пашырылі такім чынам яго вядомасць сярод кола кінематаграфістаў. Таксама атрымалася канструктыўная гутарка з праваўладальнікамі некаторых стужак, і мы, спадзяёмся, прадставім іх на нашым фестывалі. Дадам, што неабходна працягваць гэты працэс азнаямлення прафесіяналаў у галіне кіно з "Лістападам", каб вытворцы карцін ведалі пра яго больш".
Заўтра з "Берлінале" вернецца Ігар Сукманаў, які павінен прывезці яшчэ некалькі добрых навін для аматараў і стваральнікаў кіно. Як паведамілі ў Міністэрстве культуры Беларусі, дэлегацыя пазнаёмілася з конкурснай і пазаконкурснай праграмамі Берлінскага кінафестывалю, удзельнічала ў творчых сустрэчах, "круглых сталах", сустракалася з яго арганізатарамі і гасцямі.
С.К.