Выступае Генеральны консул РБ у Гданьску Руслан Есiн. |
Мэрыя вызначыла для помніка месца і дбайна яго добраўпарадкавала. Як падкрэсліў карэспандэнту “К” Генеральны консул РБ у Гданьску Руслан Есін, мясцовыя ўлады зрабілі ўсё, каб цырымонія адкрыцця помніка займела статус вялікай культурнай падзеі — і, адначасова, яркага свята.
Сярод слухачоў песень на вершы Купалы, якія выконвала гданьская харавая капэла “Геданенсіс”, былі не толькі этнічныя беларусы, але і акрэдытаваныя ў сталіцы Памор’я прадстаўнікі дыпкорпуса, журналісты і “паспалітыя” жыхары Гданьска.
Помнік атрымаўся сціплы, але густоўны: ладных памераў каменная глыба, нібы тая евангельская скала, сімвалізуе постаць Купалы ў кантэксце беларускай культуры. Ды, зрэшты, не толькі беларускай. Як адзначыў падчас сваёй прамовы прэзідэнт Гданьска Павел Адамовіч, творчая спадчына Песняра з’яўляецца агульнаеўрапейскай каштоўнасцю, а ідэі, якімі прасякнуты ягоныя радкі, ніколі не страцяць сваёй актуальнасці, спрыяючы выхаванню моладзі ў духу патрыятызму і гуманізму. Таму адкрыццё гэтага помніка з’яўляецца вялікай падзеяй у культурным жыцці Памор’я. Тым больш гэта — падзея для этнічных беларусаў, што жывуць на Памор’і.
— Для нас вельмі важна, што ў гарадской прасторы Гданьска з’явіўся беларускі куток, месца, куды могуць прыйсці нашы суайчыннікі, каб ушанаваць памяць нашага вялікага Паэта, — адзначыў Руслан Есін.
Адкрыццё помніка стала не адзіным юбілейным мерапрыемствам у Гданьску. Па
Гданьскi хор Capella Gedanensis выконвае песнi на вершы Янкі Купалы. |
... Беларусь і Памор’е падзяляюць многія сотні кіламетраў. Але ж сны пра наш край бачаць і тут, на берагах Балтыкі, дзе жыве нямала нашых суродзічаў.
Дарэчы, у прэзідэнта Гданьска родавыя карані — таксама на Беларусі. Такое яго прызнанне падчас цырымоніі адкрыцця сталася для прысутных сапраўдным сюрпрызам.
Ілля СВІРЫН