Браварскі калектыў не першы раз выступае на гасціннай столінскай зямлі: ансамбль бываў тут у 1995 годзе. А гэтым разам украінскія госці наведалі са сваімі канцэртамі не толькі райцэнтр, але і вёскі Белавуша і Альшаны, дзе іх вельмі цёпла прымалі шматлікія прыхільнікі харавых спеваў.
- Мы ўражаны і па-добраму зайздросцім тым зменам, якія адбыліся на Століншчыне за апошнія гады, - падзялілася сваімі ўражаннямі мастацкі кіраўнік хору "Крыніца" Таццяна Сокаль. - Шчыра радуемся вашым поспехам, і асабліва - таму, што ў вас павялічваецца колькасць калектываў са званнямі. Наш раён, на жаль, гэтым пахваліцца не можа...
Заключныя мерапрыемствы Дзён украінскай культуры прайшлі ў Столінскім ГДК. У канцэрце, акрамя гасцей з Украіны, прымалі ўдзел народны хор "Крыніца" галоўнай установы культуры раёна і інструментальны ансамбль "Брыз" Столінскай ДШМ.
Галіна ГАШЧУК Столін
На здымку: выступае народны хор "Крыніца".
Фота Аляксандра НІКІФАРЭНКІ