У прэс-канферэнцыі прынялі ўдзел: старшыня Экспертнага савета ад расійскага боку, намеснік міністра культуры і масавых камунікацый Расійскай Федэрацыі А.Бусыгін, члены Экспертнага савета — рэктар Беларускай дзяржаўнай акадэміі мастацтваў, доктар мастацтвазнаўства Р.Смольскі, загадчык кафедры малюнка БДАМ У.Тоўсцік, мастацкі кіраўнік Беларускай дзяржаўнай філармоніі Ю.Гільдзюк, старшыня Саюза мастакоў РФ В.Сідараў, начальнік Дэпартамента сацыяльнай палітыкі і інфармацыйнага забеспячэння Пастаяннага Камітэта Саюзнай дзяржавы І.Наркевіч, начальнік Дэпартамента па забеспячэнні дзейнасці Саветніка Прэзідэнта РФ па пытаннях развіцця культуры і Савета пры Прэзідэнце РФ па культуры і мастацтве А.Цярэхін, начальнік аддзела сацыяльнай палітыкі Дэпартамента Сацыяльнай палітыкі і інфармацыйнага забеспячэння Пастаяннага Камітэта Саюзнай дзяржавы І.Яновіч.
У сваім выступленні А.Бусыгін адзначыў, што, у адпаведнасці з Палажэннем аб прэміі, у Экспертны савет да 1 сакавіка павінны былі быць прадстаўлены прапановы ад беларускага і расійскага бакоў. Усе кандыдатуры на атрыманне прэміі Саюзнай дзяржавы за 2007 год будуць разглядацца да 1 мая.
Ад Рэспублікі Беларусь вышукальнікамі прэміі Саюзнай дзяржавы ў галіне літаратуры і мастацтва — 2007 вызначаны: народны артыст Беларусі, кіраўнік Нацыянальнага аркестра сімфанічнай і эстраднай музыкі РБ Міхаіл Фінберг, які прысвяціў шмат гадоў творчай дзейнасці музычнаму мастацтву, стварэнню яркіх канцэртных праграм; скульптар Валянцін Занковіч за стварэнне помніка “Партызанам Палесся” ў Пінску і манумента “Беларусь партызанская” ў Мінску; народны артыст Беларусі Уладзімір Гасцюхін, які сыграў болей за 70 галоўных роляў у мастацкіх і тэлевізійных фільмах.
Расіяне вылучылі на атрыманне прэміі: рэжысёра тэатра і кіно Валерыя Ахадава за пастаноўку спектакля “Спакуса” А.Мікалаі і артыстаў творчага калектыву “Міжнароднае тэатральнае агенцтва “Арт-Парнёр ХХІ”; народнага артыста Расіі, рэжысёра Сяргея Арцыбашава за пастаноўку спектакля “Тры сястры” А.Чэхава і іншых драматургічных твораў; пісьменніка Івана Сабілу за раман “Адкрыты рынг”.
Старшыня Саюза мастакоў РФ В.Сідараў выказаў прапанову — пашырыць колькасць намінантаў і вызначаць пераможцаў у канкрэтным накірунку дзейнасці: у сферы кіно, тэатра, літаратуры, выяўленчага мастацтва. Яго думку падтрымаў Р.Смольскі, а У.Тоўсцік дадаў, што варта было б зацвердзіць спецыяльную прэмію для маладых, для тых творцаў, хто закліканы фармаваць культуру ХХІ стагоддзя.
Наталля КІРПІЧЭНКАВА