Вынікі фотамастакі прадстаўляюць у Нацыянальнай бібліятэцы Беларусі.
У межах экспазіцыі ўсе тры фотамастакі паспрабуюць раскрыць перад гледачом свой адметны вобраз горада і гарадскога імгнення.
Серыя Цьеры Клеша "Безабаронны перад горадам" прысвечана дзелавому кварталу Парыжа. Аўтар адзначае не толькі вытанчанасць і прыгажосць архітэктуры горада, але і рэакцыю ды паводзіны людзей, што апынуліся ва ўладзе шэрых офісаў і аднатыпных дзелавых касцюмаў. Персанажы фотаздымкаў Вольгі Лойка -звычайна самотныя і адзінокія. Творы фотамастачкі, напоўненыя меланхоліяй, супрацьпастаўляюць крохкасць натуры наваколлю. Работы Віктара Байкоўскага - гэта пастаянны пошук новых форм і спосабаў выражэння, няспынны эксперымент з тэхнічнымі магчымасцямі мовы фатаграфіі.
Дар'я ДАНІЛЕВІЧ
На здымку: экспазіцыю аглядаюць наведвальнікі НББ.
Фота nlb.by