Менавіта такім жывапісцам быў Іван Карасёў, з працамі якога сталічны глядач сёння пазнаёміцца ў мінскім Палацы мастацтва.
Персанальная выстаўка выдатнага пейзажыста Беларусі прымеркавана да 100-годдзя з дня яго нараджэння.
Іван Карасёў меў незвычайны талент лірыка-каларыста. Многія яго працы нагадваюць жывапісныя лірычныя песні, вельмі стрыманыя, сціплыя, але напоўненыя сардэчнасцю і душэўнай шчырасцю. Не знойдзеш тут ні ашаламляльных кантрастаў, ні рэзкіх, падкрэсленых сілуэтаў, ні моцных фактурных мазкоў. Нават чорны колер выглядае вельмі мяккім, пранізаным нейкім таямнічым святлом. Лёгкасць, багацце паветра і святла - гэта яго творы. Мастак не кідае выклік гледачу, а, наадварот, імкнецца падзяліцца чымсьці вельмі асабістым, дарагім сэрцу. Такія яго палотны...
Дарэчы, у экспазіцыю ўключаны не толькі пейзажы, прысвечаныя Беларусі. Цэлая серыя работ - вынікі паездак мастака на Чорнае мора. Дарэчы, марскія пейзажы Карасёва такія ж лірычныя, камерныя, як і "пленэрныя" працы, зробленыя на роднай рацэ Бобр.
Д.Д.