Ідэя пастаноўкі ў Польшчы самага знака
мітага твора Вінцэнта Дуніна-Марцінкевіча нарадзілася падчас мінулагодняга Міжнароднага тэатральнага фестывалю "Панарама", які адкрываўся сцэнічнай версіяй "Пінскай шляхты" купалаўцаў. Акурат тады прадстаўнікі "Рампы", уражаныя і скораныя яркасцю і жывым каларытам драматургічнага матэрыялу, прапанавалі Мікалаю Пінігіну творчае супрацоўніцтва. Разам з ім на польскай сцэне працуюць мастак-пастаноўшчык Вольга Мацкевіч, кампазітар Андрэй Зубрыч. А таксама- зорка айчыннага тэатра і ўлюбёнец купалаўскай публікі акцёр Віктар Манаеў. Ён, як і дома, сыграе на польскай сцэне прыстава Кручкова.
Варта сказаць, што польскія гледачы змогуць убачыць і купалаўскі спектакль: на сцэне "Рампы" беларускія акцёры сыграюць сваю "Пінскую шляхту" за некалькі дзён да польскай прэм'еры. У далейшых жа перспектывах - творчыя абмены паміж нашымі краінамі: купалаўцы час ад часу будуць працаваць са сваім спектаклем на варшаўскай сцэне ў польскіх дэкарацыях, рампаўцы ж - іграць польскую версію "Пінскай шляхты" ў беларускім антуражы.
Ул. інф. На здымках: сцэны са спектакля "Пінская шляхта".
Фота Аляксандра ДЗМІТРЫЕВА