На адкрыцці выстаўкі прысутнічалі прадстаўнікі міністэрстваў культуры і замежных спраў Рэспублікі Беларусь, Пасольства Кітайскай Народнай Рэспублікі ў нашай краіне. Яна прымеркавана да важных падзей, якія звяжуць беларускі і кітайскі народы ў наступным месяцы: да Дзён культуры Беларусі ў Кітаі, што адбудуцца 13-17 кастрычніка, нацыянальнага Дня нашай дзяржавы на "ЭКСПА-2010" 11 кастрычніка.
На здымках можна пабачыць гарадское жыццё Кітая. Шанхай з'яўляецца лідарам у сваёй краіне па стварэнні зручнага і прывабнага асяроддзя для гараджан. Невыпадкова ў экспазіцыю ўключаны таксама выявы павільёнаў розных краін на Сусветнай выстаўцы: замежныя спецыялісты паказалі , якім шляхам можна развіць урбаністычную культуру.