У карпаратыўным каталогу спярша будуць "зведзены" рэсурсы буйных устаноў. Да прыкладу, прадстаўлены Нацыянальная бібліятэка Беларусі, Рэспубліканская навукова-тэхнічная і Цэнтральная навуковая бібліятэка Акадэміі навук.
З 2012 года, дадае Раман Матульскі, мяркуецца далучэнне абласных бібліятэк. А тэмпы падключэння раённых структур будуць залежаць ад ступені іх гатоўнасці: тэхнічнай узброенасці, прафесійнай падрыхтоўкі персаналу.
Карпаратыўны каталог будзе адкрытым, карыстальнікі займеюць магчымасць не толькі хутка адшукваць патрэбную літаратуру, але і замаўляць яе.
А на ўрачыстасцях з нагоды Дня бібліятэк Рэспублікі Беларусь было паведамлена аб атрыманні галоўнай кніжнай скарбніцай краіны кніг з фондаў Бібліятэкі Кангрэса ЗША. Гэта акцыя з'яўляецца крокам у адказ з амерыканскага боку. Летам, пад час знаходжання ў Вашынгтоне, дырэктар НББ Раман Матульскі перадаў у згаданую ўстанову сто беларускіх выданняў у рамках акцыі "Беларусь сёння".