10 верасня ў гарадскім Палацы культуры Старых Дарог адбыўся канцэрт Беларускага дзяржаўнага ансамбля "Песняры".
- Старадарожцы вельмі любяць гэты бліскучы калектыў, - распавяла намеснік дырэктара ГПК Святлана Камозіна. - Знакамітыя выканаўцы прыязджаюць да нас не так часта, таму кожны іх канцэрт для публікі становіцца вялікай падзеяй.
Потым удзельнікаў першага этапу акцыі "Майстры мастацтваў - землякам" будзе вітаць Орша. Сюды 15 верасня адпраўляецца адзіны ў свеце актэт балалаечнікаў "Віцебскія віртуозы", які называюць візітоўкай горада на Заходняй Дзвіне. У гэтым унікальным калектыве сабраны ўсе разнавіднасці балалаек: ад самай малой - пікала - да самай вялікай - кантрабаса.