У фае Дома афіцэраў разгарнулася выстаўка “Пачатак…”, створаная на аснове унікальных фотадакументальных матэрыялаў Беларускага дзяржаўнага музея Вялікай Айчыннай вайны. Яна адлюстравала саамы трагічны перыяд у гісторыі вайны — яе першыя месяцы, абарончыя баі на тэрыторыі Беларусі летам 1941 г. 
Удзельнікі канферэнцыі ўбачылі свяшчэнныя рэліквіі Вялікай Айчыннай: сцяг 56-ай Маскоўскай стралковай дывізіі ўзору 1926 г., сапраўдную карту, якой карыстаўся падчас абароны Мінска палкоўнік С.Іоўлеў…
Пасля адбыўся вялікі канцэрт Акадэмічнага ансамбля песні і танца Узброеных сіл Рэспублікі Беларусь (мастацкі кіраўнік — падпалкоўнік Уладзімір Варапаеў). Прагучалі песні ваенных і пасляваенных гадоў: “Кацюша”, “Паклонімся вялікім тым гадам”, “Дзень Перамогі”, “Смуглянка”, “Цёмная ноч”, “Майскі вальс” і іншыя. У канцэрце бралі ўдзел заслужаныя артысты Рэспублікі Беларусь Уладзімір Правалінскі, Леанід Некрашэвіч, Аляксандр Яравой, Анатоль Кузняцоў, Леанід Нікольскі, Тамара Раеўская.
Ул. інф.