Вобраз канцлера Вялікага княства Літоўскага, дзяржаўнага мужа, які запомніўся наведвальнікам музейнай выстаўкі “Гістарычны партрэт ВКЛ”, атрымаў новае жыццё. Рэпрадукцыю выканалі супрацоўнікі выдавецтва Аляксандр Сакалоў і Аляксандр Крэнць, дызайн — Аляксандра Наважылава. Плакат надрукаваны на высакаякаснай паперы, стылізаванай пад лён, — яе паверхня сапраўды нагадвае тэкстуру палатна.Злева на плакаце змешчаны тэкст, складзены галоўным рэдактарам выдавецтва “ЮНІПАК” Валерыем Дубоўскім паводле некалькіх гістарычных крыніц, — ён уключае найважныя даты ў жыцці вялікага канцлера. Унізе— аўтограф Льва Сапегі, вядомы па архіўных дакументах, захаваных да нашага часу. 
Гэтыя плакат і паштоўка — першыя ў серыі, якую выдавецтва “ЮНІПАК” плануе прысвяціць знакамітым дзяржаўным дзеячам, творцам, навукоўцам Беларусі.
Святлана ІШЧАНКА