Летась Нацыянальная бібліятэка Беларусі падпісала пагадненне аб далучэнні да WDL, а ў сакавіку бягучага года падпісала статут гэтай арганізацыі і стала яе паўнавартасным партнёрам.
Р.Матульскі, апрача прадстаўлення сваёй установы, рэпрэзентуе праект "Беларусь сёння". Яго ініцыятары - міністэрствы культуры і інфармацыі Рэспублікі Беларусь пры падтрымцы Міністэрства замежных спраў. Згодна з праектам, Раман Матульскі перадае бібліятэцы Кангрэса ЗША каля ста лепшых кніг айчынных выдавецтваў: гэта мастацкая, навуковая літаратура, даведнікі, энцыклапедыі, альбомы, што ўсебакова адлюстроўваюць сацыяльна-эканамічнае і палітычнае жыццё нашай краіны, яе гісторыю, культуру. Мэта акцыі- працягваць стварэнне пазітыўнага іміджа Беларусі ў свеце і папулярызацыя краіны за мяжой.
Дарэчы, наша рэспубліка плануе перадаць падобныя падборкі кніг у фонды пяці найбуйнейшых бібліятэк свету.