Штотыднёвая грамадска-асветнiцкая газета
Выдаецца з кастрычнiка 1991 года
А вы паляцелі б у свет Шапэна?
Замест тэатральнага званка ў нашым адноўленым Вялікім тэатры гучыць мелодыя Паланеза Ф.Шапэна. Многія здзіўляліся: якое дачыненне яна мае да нашага Опернага? Шапэн, як вядома, ні опер, ні балетаў не пісаў. Цяпер гэтае пытанне — залішняе: на нашай сцэне ў Год вялікага музыканта адрадзілі балет “Шапэніяна”, пастаўлены на пачатку мінулага стагоддзя знакамітым М.Фокіным паводле аркестраванай фартэпіяннай музыкі польскага рамантыка. Прычым менавіта гэты Паланез становіцца ў балеце уверцюрай і кодай, быццам ствараючы нябачную арку над астатнімі творамі геніяльнага майстра.
Тэатр пачынаецца са... штатных адзінак
Калі з’явіцца ў Полацку прафесійная сцэна? 5 Можна было б шмат гаварыць пра тое, якім магутным падмуркам служаць прафесійнаму мастацтву аматарскія тэатральныя калектывы. Яны з’яўляюцца своеасаблівымі “фільтрамі” для людзей, што мараць звязаць сваё жыццё са сцэнай: акурат тут правяраецца іх эмацыянальная гатоўнасць да акцёрскай прафесіі і закладваюцца першыя, базавыя веды пра ўнутраную этыку тэатральнага існавання, прышчапляецца тая культура, якая потым становіцца асновай для далейшага прафесійнага росту. Аднак раней ці пазней усе гэтыя “гімны” на адрас аматарскіх тэатраў перастаюць спрацоўваць: людзі, для каго яны становяцца часткай жыцця, пачынаюць жадаць іншага, новага развіцця — не толькі для сябе, але і для той ідэі, якой яны служаць. І справа тут зусім не ў амбіцыйнасці канкрэтных людзей — ім важна ведаць, што справа іхняя знойдзе свайго ўдзячнага адрасата.
“Витбеск” — тры сцяны каменныя…”
15 ліпеня спаўняецца 600 гадоў з моманту бітвы пад Грунвальдам. Адзін з трох “рускіх палкоў”, якія на поле бітвы прывёў князь Сямён Лунгвен, на думку некаторых даследчыкаў, быў віцебскі. Як выглядаў на той час гэты горад, чые ваяры мусілі прайсці тысячу кіламетраў, каб адстаяць сваю зямлю — Вялікае княства Літоўскае? Адказаць на гэтае пытанне дапамагаюць сведчанні пісьмовых крыніц і даныя раскопак.
Беларускія ландшафты Шанхая
Добрай падставай сябе паказаць і на іншых паглядзець стала Сусветная выстаўка “ЭКСПА2010” у кітайскім Шанхаі. Праглядаеш навіны з месца падзей у Інтэрнеце або на тэлебачанні, і першае, чаму здзіўляешся, — фантазіі стваральнікаў павільёнаў. Для нашай краіны больш за два з паловай гады таму паўстала задача: паказаць лепшае, уразіць, завастрыць на нечым увагу. Якія ж акцэнты мы вылучылі на выстаўцы і як выглядаем ў параўнанні з замежнымі экспанентамі? Пра гэта наш карэспандэнт гутарыў з прафесарам, членам Праўлення Беларускага саюза дызайнераў Ігарам ГЕРАСІМЕНКАМ, які ўвайшоў у склад рабочай групы па афармленні павільёна і нядаўна вярнуўся з Шанхая.

Новы нумар

Рэдакцыйна-выдавецкая ўстанова
"Культура і мастацтва"

2016 - Год культуры

Далей
© 2007 - 2019 «Культура». Зроблена ў «Вэбпрофі»