Чаму б не правесці семінары, майстар-класы? Ладзяцца ж яны ў сферы акадэмічнай музыкі. Дый нам самім: падрыхтаваць бы нейкую беларускую праграму - ды вазіць яе па замежжы, заключыўшы дамовы. Эфект быў бы куды большы, чым нават ад удзелу ў тым жа "Еўрабачанні". Для ўсяго гэтага патрэбны рэальны прадзюсерскі цэнтр, які займаўся б "прасоўваннем" не асобных "сваіх" артыстаў, а ўсёй нацыянальнай культуры, у тым ліку на замежны рынак.