Апошнім часам стала "модна" лаяць расійскі шоубізнес: маўляў, у ім - прычына ўсіх нашых бед. Але ж у Расіі, нягледзячы на вялікую колькасць "папсы", гучаць і песні мінулых гадоў. Можа, не зусім у тых прапорцыях, як хацелася б, але, тым не менш, гучаць, - і на тым дзякуй. Там сапраўды "ахоплены" і спевакі ўсіх пакаленняў, і, адпаведна, слухачы. Іншымі словамі, кожны можа знайсці штосьці сабе па гусце. А ў нас і гэтага няма! Няма дзе спрычыніцца да нацыянальных здабыткаў. А зрабіць гэта - неабходна, і як мага хутчэй. Бо толькі тады мы, так бы мовіць, выйдзем на шырокую шашу нашай эстрады.