Турнір прадугледжвае наступныя намінацыі: абрадавыя і пазаабрадавыя спевы, народная музыка, проза (легенды, казкі, паданні), дэкаратыўна-побытавае мастацтва (выцінанка). 9 красавіка ў Лепельскім доме рамёстваў адбудзецца прэс-канферэнцыя з удзелам прадстаўнікоў аргкамітэта "Берагіні", кіраўнікоў мастацкіх дэлегацый. Турнір адкрыецца ў мясцовым РДК. На наступны дзень запланаваны "круглы стол" "Традыцыйная культура і дзеці: праблемы аднаўлення і трансляцыі". Напрыканцы мерапрыемства выступяць носьбіты мастацкіх традыцый Лепельшчыны, а таксама фальклорны гурт "Талака" кафедры этналогіі і фальклору БДУКіМ.