Ду-Да-ладачкі

№ 12 (932) 20.03.2010 - 26.03.2010 г

Дуэт “Аляксандра і Канстанцін” выпусціў новы альбом — “Ключы златыя”. Назва яго пазычана з ранейшай песні А&К “Пчолка”, дый увесь дыск — гэта іх лепшыя творы, запісаныя за апошнія 9 гадоў.

Кампакт-дыск папраўдзе шмат у чым становіцца “ключом” да разгадкі адметнасцей гэтага сямейнага міні-калектыву. Слухаючы адабраныя муз ы к а н т а м і к а м п а з і ц ы і , раптам прыходзіш да думкі, што ўся іх творчасць — гэта далёка не толькі пошукі сінтэзу беларускага (і, шырэй, славянскага) фольку і “каўбойскага” кантры, але і ўсюдыісныя варыянты спалучэння нацыянальнага з агульначалавечым, а таксама выкрышталізаванне гармоніі паміж вакальным і інструментальным пачаткамі. Дый сам збор пабудаваны такім чынам, што ад кампазіцый з пераважаннем інструменталу мы паступова, праз некалькі англаі рускамоўных нумароў, трапляем да “ранняга”, больш вакалізаванага кірунку дзейнасці дуэта, фіналам жа СD становіцца цалкам інструментальная п’еса “Па-за аблокамі”. Слухаючы вядомыя кампазіцыі наноў, звяртаеш увагу на тэмбравую расквечанасць (“Святы вечар”), незвычайны полістылістылёвы сімбіёз (“Пара дамоў”), арыгінальную драматургію (“Ду-ду Да-да”), што быццам сімвалізуе неп а с р э д н ы працэс “наладжвання” дуды: звыклая мелодыя “Саўкі ды Грышкі” з’яўляецца толькі напрыканцы як вынік папярэдніх найгрышаў. А новая, больш “мяккая”, пазбаўленая задзірыстага напору версія песні “My Galileo” яшчэ раз пераконвае: спевы гэтага дуэта (не блытаць з пастановачным афармленнем песні) і сёння вартыя “Еўрабачання”.

Падзяліцца