Як падкрэсліў Ігар Чарняўскі, сёлета, пасля складання адпаведнай праектнай дакументацыі, можна прыступаць да папярэдніх работ па наступнай кансервацыі навагрудскіх муроў. Навуковы кіраўнік работ на аб'екце Сяргей Друшчыц мяркуе, што ў перспектыве магчыма стварыць музейную экспазіцыю ў падвальнай частцы замка. Цэглу для ўзнаўлення замкавых сцен мяркуецца вырабляць у Беларусі. На рэканструкцыю замка спатрэбіцца каля 5 гадоў. Як паведамляе Ігар Чарняўскі, на работы з рэспубліканскага бюджэту выдаткавана 41,5 мільёна рублёў, а ад тыражоў "Скарбніцы" плануюць атрымаць больш за 60 мільёнаў.