А вось у нас, у Рассветаўскім доме культуры, не сумна. Для кожнага знойдзем хвілінку, каб пагутарыць, выслухаць, параіць… Раз у месяц, па традыцыі, збіраецца “Клуб цікавых сустрэч”. Кіруе ім дырэктар ДК Наталля Папок. Тут ладзяцца
забаўляльныя праграмы, тэматычныя вечары, чайныя цырымоніі, размовы за “круглым сталом”… А якія байкі пры гэтым чытае кіраўнік гуртковай работы Ала Каладзінская! А якія песні спявае мастацкі кіраўнік ДК Іван Налівайчык! Словам, пад духмяны чай ды ў сяброўскім коле доўгія зімовыя вечары пралятаюць увобмірг!
Зрэдчас такія вечары вяду я. А каб нашы дзеткі не сумавалі, кірую Клубам дзіцячай творчасці “Маленькая краіна”: збіраемся ў “кніжным доме”, мае сябры-выхаванцы разгадваюць красворды, малююць, чытаюць, проста гуляюць ці “сакрэтнічаюць”. Але ўсе яны без выключэння сілкуюцца творчасцю, што пануе ў нашай установе.
Вам усё яшчэ сумна? Прыходзьце да нас!
Ірына ЦЫГАН,
бібліятэкар першай катэгорыі
Рассветаўскай сельскай бібліятэкі
Клецкага раёна