Прадстаўленыя на выстаўцы карціны напісаны ў жанры зімовага пейзажа. Гэта сапраўдная пастаральная сімфонія нашай сельскай прыроды. У кожнай каляровай нотцы адчуваецца жаданне аўтара супрацьпаставіць гарадскую шумную мітусню чыстаму і блізкаму да цнатлівай прыроды вясковаму жыццю.
 |
| А.Нахімчук. Рака ўзімку. |
Карціны раскрываюць дзіўную здольнасць майстра маляваць далікатнымі мазкамі і лёгкасць аксамітнага снежнага покрыва, і празрыстасць замёрзлай вады, і калючы водар марознай раніцы, і пакутлівую бясконцасць зімовай ночы.
Гэта чацвёртая персанальная выстаўка Алега Нахімчука, якую можна будзе паглядзець у “Пружанскім палацыку” да канца лютага.
Юрый ЗЯЛЕВІЧ,
дырэктар Музея-сядзібы “Пружанскі палацык”