За ўмацаванне адносін у галіне культуры паміж дзвюма краінамі міністр культуры РБ Уладзімір Матвейчук уручыў Ганаровы знак Міністэрства культуры Беларусі Генеральнаму дырэктару Траццякоўскай галерэі Валянціну Радзівонаву. Той у адказ падзяліўся сакрэтам, што ўжо зараз распрацоўваецца ідэя арганізацыі сумеснай выстаўкі трох музеяў з удзелам Украіны.Надзвычайны і Паўнамоцны Пасол Расіі ў Беларусі Аляксандр Сурыкаў падкрэсліў, што гэтая падзея — cімвал еднасці народаў у мінулым, сучасным і будучым: выстаўка пачала сваю працу ў Дзень славянскай пісьменнасці і культуры і была прымеркавана да 100-годдзя з дня нараджэння Алены Васільеўны Аладавай.
Выстаўка дае новы, больш шырокі погляд на гісторыю рускага мастацтва, дапаўняючы яго салонным жывапісам, дэманструючы, як Расія ў пошуках свайго шляху ў паскораным тэмпе пераймала вопыт Заходняй Еўропы, цікавілася Усходам і адначасова “прадказвала” на сваёй нацыянальнай аснове будучыя знаходкі сусветнага жывапісу.
Больш падрабязны матэрыял пра выстаўку чытайце ў наступным нумары.