На парадку дня пасяджэння — абмеркаванне больш чым дзесяці пытанняў. Сярод іх — стварэнне Асацыяцыі вышэйшых музычных навучальных устаноў, правядзенне V маладзёжных Дэльфійскіх гульняў.
Пасля пасяджэння адбудуцца двухбаковыя сустрэчы, падпісанне выніковага пратакола, прэс-канферэнцыі.
А на наступны дзень, 22 мая, як лагічны працяг пасяджэння Савета па культурным супрацоўніцтве, на Беларусі распачнуцца Дні культуры Азербайджанскай Рэспублікі. Урачыстая цырымонія адкрыцця пройдзе ў канцэртнай зале “Мінск”. Майстры мастацтваў Азербайджана прадставяць самабытнасць сваёй нацыянальнай культуры.
23 мая гала-канцэрт у рамках Дзён культуры Азербайджана пройдзе ў Бабруйску. А ў Нацыянальным музеі гісторыі і культуры Беларусі ў гэты дзень адкрыецца выстаўка азербайджанскага жывапісу.
Дні культуры Азербайджана завершацца 24 мая. Госці наведаюць Нацыянальную бібліятэку Беларусі і мемарыяльны комплекс “Хатынь”.
Паводле інфармацыі
Міністэрства культуры РБ