У Міжнародны дзень пажылых людзей Дзяржаўны літаратурна-мемарыяльны музей Якуба Коласа сумесна з Тэрытарыяльным цэнтрам сацыяльнага абслугоўвання насельніцтва Савецкага раёна Мінска правёў літаратурнамузычную вечарыну "Пад бацькоўскім дахам". У мерапрыемстве прынялі ўдзел малодшы сын Якуба Коласа Міхась Міцкевіч, паэт, лаўрэат Дзяржаўнай прэміі Рэспублікі Беларусь Уладзімір Скарынкін, а таксама калектыў мастацкай самадзейнасці ветэранаў "Аптыміст". Трэба зазначыць, што святкаванне Міжнароднага дня пажылых людзей праходзіла ў межах праграмы, прымеркаванай да 50-годдзя з дня адкрыцця Дзяржаўнага літаратурнамемарыяльнага музея Якуба Коласа, і стала своеасаблівай рэпетыцыяй да маючых адбыцца 3 лістапада Коласаўскіх чытанняў.